الإجابات (2)
تختبر ايلتس
community
📍 بما أن الاغلب عنده نفس الاسئلة، حاولت اجمعها وأرتبها.
أولًا: إجراءات ماقبل الترشيح
ايش الشروط؟
كل مسار له شروط معينة ولكن الاغلب هو انك تجيب قبول غير مشروط اذا اخترت دوله ناطقه باللغه الانجليزية.
وقبول مشروط باللغة إذا اخترت دولة غير ناطقة باللغة الإنجليزية.
ايش معنى قبول غير مشروط؟
معناته تجيب قبول مباشر ومافي اي شرط يمنعك من دراسة المرحلة، وأهم شرط هو إثبات اللغة الإنجليزية (مثل الايلتس، التوفل، دوولينقو، دراستك السابقة باللغة الإنجليزية…الخ).
من وين أبدأ؟
ادخل على قوقل واكتب ابتعاث خادم الحرمين الشريفين وبتحصل كل البعثات المتاحه وكل المسارات، كل مسار له جامعات وتخصصات معينة.
بعد ماتقرأ وتختار الجامعة والتخصص تروح لقوقل وتبحث عن الجامعة الي اخترتها وتشوف متطلبات وشروط القبول الي من ضمنها شرط اللغة.
مثال:
( University of Melbourne + entry requirements)
اذا بتقدم على البكالوريوس في استراليا وبريطانيا تأكد انك تشوف شروط السنة التحضيرية وطريقة التقديم لها.
تشوف الدرجة المطلوبة منك باللغة وتختبر وبعد ماتختبر تقدم على الجامعة.
لما ترسل لك الجامعة عرض للقبول الي لازم يكون غير مشروط، تاخذ العرض وتسجل في سفير وتختار بعثة خادم الحرمين الشريفين وتعبي البيانات وترفع القبول وتنتظر الترشيح
بعد مايوصلك الترشيح لازم تقبل خلال ٣ أيام أو يعتبر ملغي.
أول ماتقبل الترشيح راح تفتح لك خيارات جديدة منها طلب الضمان المالي والتعاريف وقرار الابتعاث.
ثانيًا: إجراءات مابعد الترشيح
بعد ترشيحك، تطلب ضمان مالي بغرض القبول من الوزارة من سفير وترسله للجامعة عشان ترسل لك قبولك المؤكد وهذا يعتبر تأكيدك وموافقتك لعرضهم الي أرسلوه لك.
الجامعة راح ترسل لك القبول النهائي (مرات الجامعه ترفض الضمان الي من الوزارة بحجة انه مافيه عناوين تواصل، تقدر تطلب ضمان مالي بغرض القبول من الملحقية بسفير وبيكون موجود فيه هالتفاصيل ارسله لهم وبينحل الموضوع)
بعد مايوصلك قبولك النهائي
(في أمريكا يسمى I20 ، في بريطانيا يسمى CAS, في أستراليا يسمى CoE)
تأخذه وتطلب من سفير تعريف مخصص للفيزا وتصدر فيهم الفيزا من مكتب الفيز بمدينتك (انت بتدفعها وبعد ماتوصل مقر البعثه ترفع طلب تعويض بسفير وبيرجعون لك المبلغ).
بعد ماتوصلك فيزتك تقدر تطلب تذكرة ذهاب لمقر البعثة من سفير والطريقة موجودة بالقروب بمجرد البحث عن كلمه OTB.
ثالثًا: الإجراءات عند الوصول لمقر البعثة
إذا وصلت مقر البعثة لازم تباشر الدراسة عن طريق طلب في سفير اسمه مباشرة الدراسة، وترفق المطلوب من قبول وفيزا وغيره.
لازم تحدث بياناتك البنكية عشان تنزل عليه المكافأة (المكافأة تنزل يوم ٢٧ من كل شهر)
إذا وصلت نص الشهر إحتمال ماتنزل لك في أول ٢٧ تصادفك ولكن راح تنزل لك بعدين كفروقات.
تحدث الخطة الدراسية وتضيف المرحلة والترم وعدد الساعات وغيره في سفير وتعبي بيانات قبولك فيها عشان تقدر تصدر الضمان المالي التعليمي. بعد مايوصلك الضمان التعليمي تاخذه وترسله لجامعتك وبكذا أنت رسميًا بدأت.
الجامعه تبي الضمان عشان حجز المقعد وانا للحين ماوصلني الترشيح ايش اسوي؟
في جامعات تقدر تتناقش معاهم يعطونك مهلة زيادة لين يوصلك الترشيح من الوزاره وفي جامعات ماتقبل، الحل انك تدفع مبلغ حجز المقعد ولكن تتفق معاهم اذا دفعت الملحقيه لهم يرجعون لك المبلغ، ولكن اذا انت حاس ان ترشيحك مو قريب تقدر تطلب تاجيل قبول للترم الي بعده وتاجل من سفير نفس الشي.
ايش افضل بلد؟ افضل مدينه؟ افضل تخصص؟ افضل مسار؟
محد يقدر يفيدك الافضليه تختلف من شخص لاخر، ابحث وقارن بنفسك.
مطلوب ايلتس اكاديمي ولا العادي؟
مطلوب الاكاديمي ولكن لطلاب المرحلة التحضيرية ببريطانيا الاغلب UKVI
شرط المحرم للبنات؟
اختياري
اقدر كبنت اخذ اخوي مرافق؟
ايه مسموح لك تاخذين محرم واحد لك
اقدر كولد اخذ اختي محرم؟
لا، مسموح لك فقط زوجتك واطفالك
اقدر اخذ امي محرم؟
لا ولا تستحق مكافأة بكل الحالات، اذا في حال اثبت انك المعيل الوحيد لها بصك اعالة من السعودية ممكن يعطوها تذاكر وتأمين فقط.
اقدر اسافر بدون مايدرون اهلي؟
اذا كنت تحت ال٢١ لازم ابوك يسوي لك تصريح سفر من ابشر حقه
أي سؤال يجي ببالك ابحث عنه بالقروب بخاصية البحث، كلنا مررنا بنفس التجربة واكيد سألنا نفس السؤال فالبحث يختصر عليك وقت.
community
أولًا: إجراءات ماقبل الترشيح
ايش الشروط؟
كل مسار له شروط معينة ولكن الاغلب هو انك تجيب قبول غير مشروط اذا اخترت دوله ناطقه باللغه الانجليزية.
وقبول مشروط باللغة إذا اخترت دولة غير ناطقة باللغة الإنجليزية.
ايش معنى قبول غير مشروط؟
معناته تجيب قبول مباشر ومافي اي شرط يمنعك من دراسة المرحلة، وأهم شرط هو إثبات اللغة الإنجليزية (مثل الايلتس، التوفل، دوولينقو، دراستك السابقة باللغة الإنجليزية…الخ).
من وين أبدأ؟
ادخل على قوقل واكتب ابتعاث خادم الحرمين الشريفين وبتحصل كل البعثات المتاحه وكل المسارات، كل مسار له جامعات وتخصصات معينة.
بعد ماتقرأ وتختار الجامعة والتخصص تروح لقوقل وتبحث عن الجامعة الي اخترتها وتشوف متطلبات وشروط القبول الي من ضمنها شرط اللغة.
مثال:
( University of Melbourne + entry requirements)
اذا بتقدم على البكالوريوس في استراليا وبريطانيا تأكد انك تشوف شروط السنة التحضيرية وطريقة التقديم لها.
تشوف الدرجة المطلوبة منك باللغة وتختبر وبعد ماتختبر تقدم على الجامعة.
لما ترسل لك الجامعة عرض للقبول الي لازم يكون غير مشروط، تاخذ العرض وتسجل في سفير وتختار بعثة خادم الحرمين الشريفين وتعبي البيانات وترفع القبول وتنتظر الترشيح
بعد مايوصلك الترشيح لازم تقبل خلال ٣ أيام أو يعتبر ملغي.
أول ماتقبل الترشيح راح تفتح لك خيارات جديدة منها طلب الضمان المالي والتعاريف وقرار الابتعاث.
ثانيًا: إجراءات مابعد الترشيح
بعد ترشيحك، تطلب ضمان مالي بغرض القبول من الوزارة من سفير وترسله للجامعة عشان ترسل لك قبولك المؤكد وهذا يعتبر تأكيدك وموافقتك لعرضهم الي أرسلوه لك.
الجامعة راح ترسل لك القبول النهائي (مرات الجامعه ترفض الضمان الي من الوزارة بحجة انه مافيه عناوين تواصل، تقدر تطلب ضمان مالي بغرض القبول من الملحقية بسفير وبيكون موجود فيه هالتفاصيل ارسله لهم وبينحل الموضوع)
بعد مايوصلك قبولك النهائي
(في أمريكا يسمى I20 ، في بريطانيا يسمى CAS, في أستراليا يسمى CoE)
تأخذه وتطلب من سفير تعريف مخصص للفيزا وتصدر فيهم الفيزا من مكتب الفيز بمدينتك (انت بتدفعها وبعد ماتوصل مقر البعثه ترفع طلب تعويض بسفير وبيرجعون لك المبلغ).
بعد ماتوصلك فيزتك تقدر تطلب تذكرة ذهاب لمقر البعثة من سفير والطريقة موجودة بالقروب بمجرد البحث عن كلمه OTB.
ثالثًا: الإجراءات عند الوصول لمقر البعثة
إذا وصلت مقر البعثة لازم تباشر الدراسة عن طريق طلب في سفير اسمه مباشرة الدراسة، وترفق المطلوب من قبول وفيزا وغيره.
لازم تحدث بياناتك البنكية عشان تنزل عليه المكافأة (المكافأة تنزل يوم ٢٧ من كل شهر)
إذا وصلت نص الشهر إحتمال ماتنزل لك في أول ٢٧ تصادفك ولكن راح تنزل لك بعدين كفروقات.
تحدث الخطة الدراسية وتضيف المرحلة والترم وعدد الساعات وغيره في سفير وتعبي بيانات قبولك فيها عشان تقدر تصدر الضمان المالي التعليمي. بعد مايوصلك الضمان التعليمي تاخذه وترسله لجامعتك وبكذا أنت رسميًا بدأت.
الجامعه تبي الضمان عشان حجز المقعد وانا للحين ماوصلني الترشيح ايش اسوي؟
في جامعات تقدر تتناقش معاهم يعطونك مهلة زيادة لين يوصلك الترشيح من الوزاره وفي جامعات ماتقبل، الحل انك تدفع مبلغ حجز المقعد ولكن تتفق معاهم اذا دفعت الملحقيه لهم يرجعون لك المبلغ، ولكن اذا انت حاس ان ترشيحك مو قريب تقدر تطلب تاجيل قبول للترم الي بعده وتاجل من سفير نفس الشي.
ايش افضل بلد؟ افضل مدينه؟ افضل تخصص؟ افضل مسار؟
محد يقدر يفيدك الافضليه تختلف من شخص لاخر، ابحث وقارن بنفسك.
مطلوب ايلتس اكاديمي ولا العادي؟
مطلوب الاكاديمي ولكن لطلاب المرحلة التحضيرية ببريطانيا الاغلب UKVI
شرط المحرم للبنات؟
اختياري
اقدر كبنت اخذ اخوي مرافق؟
ايه مسموح لك تاخذين محرم واحد لك
اقدر كولد اخذ اختي محرم؟
لا، مسموح لك فقط زوجتك واطفالك
اقدر اخذ امي محرم؟
لا ولا تستحق مكافأة بكل الحالات، اذا في حال اثبت انك المعيل الوحيد لها بصك اعالة من السعودية ممكن يعطوها تذاكر وتأمين فقط.
اقدر اسافر بدون مايدرون اهلي؟
اذا كنت تحت ال٢١ لازم ابوك يسوي لك تصريح سفر من ابشر حقه
أي سؤال يجي ببالك ابحث عنه بالقروب بخاصية البحث، كلنا مررنا بنفس التجربة واكيد سألنا نفس السؤال فالبحث يختصر عليك وقت.