ودي اسال عن هذا المعهد

حسب بحثي فيه ناس تسبه(انه تجاري ويرسبون الطلاب ظلما) وناس تمدح.
غالبية السب كان لمن درس قبل ٢٠١٧
يقولون صارت لهم مشكلة مع الملحقية وعقب تعدلوا والله اعلم.

أنا أدرس فيه في فرع Charlotte.. بقولك عن نظام الدراسة فيه: يختبرونك بأول يوم اختبار تحديد المستوي وبعدين ثاني يوم يعطونك جدولك.. بتلاقي نفسك بفصل مع ثلاثة مستويات.. أي من مستوي 1_3 بنفس الكلاس ونفس المنهج والمدرسين وهكذا لحد ليفل12..بدون أي مراعاة للقدرات اللي عندكم يدرسونكم نفس المناهج..
المناهج جدا ضعيفه مافيها أي شروحات توضيحيه ولا تمارين كفاية والمدرسين كذلك (حقيقة اليوتيوب فزعلي في الاختبارات والفهم).. والمدرسين أيضا ليسوا مؤهلين لتدريس الانجليزية لغير الناطقين بالانجليزية، هدفهم الوحيد انهاء المنهج، وبيشرح كانه يشرح لمتحدث اللغة الانجليزية.
بالنسبة لطلاب يكونوا في المستويات المتقدمة لكن ما يفهم اللي ينقاله من العامه بسهوله ولا يعرف يتكلم (صح) أي يرد بس ردوده فيها اخطأ في التركيب.
المعهد ما عنده تركيز على أي شيء لا قرامر ولا استماع ولا محادثة ومناهجه مو مترابطة أي اللي تدرسه في القرامر مو مربوط بالفوكابلري ولا بالريدينق والرايتنق... ما يعلمونك كيف تكتب.. ولا يطلبوا منك موضوعات معينه تكتب عنها.. المطلوب تكتب عن أي شيء تبي وهم يصححوا لك ويحطوا الدرجة.
ممكن فيه أشخاص بيقولوا فرع عن فرع يفرق، نعم ممكن يفرق في التعامل ومستوى المعلم لكن المناهج موحدة وطرق توزيع الطلاب.. أنا شخصياً ما أنصح به نهائياً وطلبت نقل منه خلال اول شهر دراسة وانقبل نقلي الحمدلله.
ذا عن معهد ELS Language Centers